Raporo ya Minisiteri y’Uburezi mu Rwanda igaragaza ko amashuri yo mu byiciro by’inshuke, abanza n’ay’imyuga n’ubumenyingiro 618 atagaburiye abanyeshuri mu mwaka w’amashuri wa 2022/23, maze bigatuma umubare w’abanyeshuri bahawe amafunguro muri uwo mwaka wose ungana na 92.8% by’abanyeshuri bose.
Ubugenzuzi bukorwa n’Ikigo cy’Igihugu gishinzwe Ibizamini n’Ubugenzuzi bw’Amashuri, NESA, bwagaragaje ko hari ibigo by’amashuri bidafite ibikorwa-remezo birimo ibikoni na muvelo zo gutekamo amafunguro y’abanyeshuri.
Imibare yasohotse muri Gicurasi 2024 igaragaza ko abanyeshuri bagaburiwe mu mwaka wa 2022/2023 biyongereye, bagera kuri 3,908,597 bavuye kuri 3,375,454 mu mwaka w’amashuri wa 2021/22.
IGIHE
