Mu gitondo cyo kuri uyu wa Gatanu taliki 14 Kamena 2024, mu muhanda uba Nyabugogo werekeza ku ruganda rwa Ruliba habereye impanuka yahitanye ubuzima bw’umuntu umwe aho imodoka yo mu bwoko bwa Howo yagonze moto yari itwaye umubyeyi wari uhetse umwana.
Iyi mpanuka yabaye mu masaha ya saa yine za mugitondo yahitanye ubuzima bw’umumotari maze umubyeyi yari ahetse ndetse n’uruhinja rw’amezi abiri uwo mubyeyi yari ahetse bombi bararokoka.
Abaturage babonye iyo mpanuka iba bavuze ko nyakwigendera ari we wari uri mu makosa ngo kuko yashatse kwinjira mu mukono utari uwe bituma iyo Howo ibagonga.
