Rugemana Amen [Babu] ukorera Isibo TV, wari umaze iminsi atawe muri yombi akurikiranweho icyaha cyo gukubita no gukomeretsa, yasomewe.
Kuri uyu wa 21 Kamena 2024 nkuko byari biteganijwe, Babu yasomewe ku byaha akurikiranweho byo gukubita no gukomeretsa.
Uyu musore usanzwe ari umukozi wa Isibo TV, yari yarasabiwe n’ubushinjacyaha gufungwa umwaka umwe akanatanga ihazabu y’ibihumbi 300Frw.
Babu utaragoye urukiko waburanye yemera ibyaha ariko akavuga ko yiyunze n’uwo bagiranye ikibazo, yahamijwe ibyaha byose yaregwaga, akatirwa gufungwa amezi 3 asubitse no gutanga ihazabu y’ibihumbi 50Frw.
Isomwa ry’urubanza ryabereye ku Rukiko rw’Ibanze rwa Kicukiro ruherereye mu Kagarama.
