Ibitego bya Bruno Fernandes, Bernardo Silva na Samet Akaydin witsinze nibyo byahesheje intsinzi Portugal ibona amanota atatu ayemerera guhita iyobora Itsinda F ndetse no kubona itike ya 1/8.
Ni mu mukino wabereye Westfalenstadion iri mu mujyi wa Dortmund, kuri uyu wa Gatandatu, tariki ya 22 Kamena 2024.
Portugal yahabwaga amahirwe niyo kipe yinjiye bwa mbere mu mukino ikina ishingiye ku mipira yo mu kibuga hagati ariko na Turikiya ntiyaburaga kunyuzamo igacungira ku mipira yihuse.
Mu minota 10 ya nyuma y’umukino ni bwo Turukiya yashatse uko yabona byibuze igitego cy’impozamarira ariko birangira kibuze, umukino wegukanwa na Portugal yatsinze ibitego 3-0.
