Umunyezamu w’Ubudage Manuel Neuer yatangaje ko yasezeye mu ikipe y’igihu y’Ubudage nyuma y’imyaka 15 , akaba yarakinnye imikino 124.
Neuer w’imyaka 38 y’amavuko usanzwe ukinira Bayern Munich, yakinnye umukino we wa mbere mu ikipe y’igihugu y’Ubudage muri 2009.
Manuel Neuer yegukanye igikombe cy’Isi cya 2014 cyabereye muri Brazil , Igikombe batwaye batsinze Alijantine 1-0.
Mu gikombe cy’Isi cya 2018 Neuer niwe wari uyoboye bagenzibe nka Kapiteni w’Ubudage ,gusa kubera imvune yagiye agira ,yasigiye igitambaro Ilkay Gundogan wa Manchester City.
Neuer yakinnye imikino 124 mu ikipe y’Igihugu y’UBadage, umukino we wanyuma wari muri Euro 2024 aho batsinzwe muri kimwe cya Kane na Espanye.
Manuel Neuer atangaje ibi nyuma y’uko ku cyumweru tariki 18 Kanama Ilkay Gundogan nawe yasezeye mu ikipe y’Igihugu y’Ubudage.
Neuer arakomeza gukina muri Bayern Munch nyuma yo gusinya amasezerano mashya .
